कनक कोकण - एक आरोग्यदायी आस्वाद

कनक हा आयुर्वेदातील अतिशय महत्वाचा शब्द. कनक म्हणजे सुवर्ण, सोने , म्हणजेच शुद्धतेचे प्रतिक.

कोकण – म्हणजे निसर्गाचे सानिध्य आणि घाटकर कुटुंबियांचे जन्मगाव.

History

मार्च-2020 मध्ये कोरोनाच्या रुपाने आलेले जागतिक संकट आपणा सर्वांना आरोग्याबद्दल आणि प्रतिकारक्षमते बद्दल जागरूक करून गेले. सगळीकडे भीतीचे वातावरण असल्याने घरगुती उपाययोजना सर्वजण करीत होते. आम्ही घाटकर परिवार सुद्धा आयुर्वेदिक काढा, योगा, प्राणायम, पुरेशी झोप, इत्यादी सर्व प्रकार करत होतो. प्रतिकारशक्ती वाढवण्यासाठी योग्य व पाचक आहाराचे सेवन आवश्यक होते. सौ. साक्षी गोविंद घाटकर यांनी आपल्या कुटुंबाच्या संरक्षणासाठी एक आरोग्यवर्धक लाडू तयार केला आणि त्याचे सेवन चालू केले. पुढे पुढे हा लाडू जवळचे मित्र व त्यांचे शेजारी यांनाही आवडला. या लाडूमध्ये गाईचे तूप, सेंद्रीय गुळ, ड्रायफ्रूट तसेच इतर आरोग्यवर्धक घटक असल्याने सर्वांना आवडला. आणि यातूनच एका घरगुती व्यवसायाला सुरवात झाली. सप्टेंबर 2020 मध्ये पहिले ग्राहक मिळाले.

सुरवातीला ओळखीच्या व्यक्तींना feedback साठी sample लाडू दिले. आलेल्या feedback नुसार सुधारणा करत हा व्यवसाय प्रगतीच्या दिशेने पुढे सुरु झाला. कोकणातील फणसाचे चिप्स आणि उकडीचे मोदक हे पदार्थ देखील या व्यवसायात विकण्यास आले. सर्व legal requirement सहित हा व्यवसाय दि. 30 जानेवारी 2021 रोजी कनक कोकण – ‘एक आरोग्यदायी आस्वाद’ या नावाने सुरु झाला. आमच्या सर्व ग्राहक, मित्र परिवार व शुभ चिंतक यांचे मन:पूर्वक आभार.

Vision & Mission

सौ. साक्षी गोविंद घाटकर व त्यांचा परिवार हा खिलाडू वृत्तीचा असल्याने, समाजामध्ये खेळ, आरोग्यवर्धक व्यायाम तसेच आरोग्यवर्धक पदार्थांचे सेवन यांच्या प्रसारासाठी कार्य करणे हा उद्देश्य समोर ठेवून आमच्या ग्राहकांना उत्तम, चविष्ठ व आरोग्यवर्धक पदार्थ पुरविणे तसेच समाजामध्ये सकारात्मक बदल घडविणे ह्यासाठी प्रयत्नशील राहणे हेच मिशन.

About Us

कनक कोकण ‘एक आरोग्यदायी आस्वाद’ हा एक घरगुती व्यवसाय 30 जानेवारी 2021 रोजी सुरु झाला. भाड्याच्या घरात हा व्यवसाय सौ.साक्षी गोविंद घाटकर ह्या एका गृहिणीने जिद्दीने सुरु केला. सुरवातीला आरोग्यवर्धक लाडू, फणसाचे चिप्स आणि त्यानंतर उकडीचे मोदक असे आरोग्यवर्धक पदार्थ बनवून विकण्याचा प्रयोग यशस्वी झाला. ग्राहकांच्या प्रतिसादामुळे व व्यवसायाच्या चांगल्या गुणवत्तेमुळे हा व्यवसाय प्रगतीच्या दिशेने आज एका women entrepreneur च्या रूपाने पुढे येत आहे. ह्या व्यवसायाच्या founder President सौ. साक्षी गोविंद घाटकर ह्या अतिशय मेहनत करून व सातत्याने कार्य करीत व्यवसाय योग्य रीतीने पुढे नेत आहेत. या व्यवसायाच्या प्रगतीमध्ये सर्व नातेवाईक, व्यवसायिक मित्र आणि आमचे ग्राहक यांचे मोलाचे योगदान आहे.

मोदक

मोदक म्हणजे श्री गणपतीचा आवडता प्रसाद. याला सांस्कृतिक महान दर्जा आहे. भारतामध्ये सगळ्या शुभकार्यात तसेच गणेश चतुर्थी, विनायक चतुर्थी, संकष्ट चतुर्थी ह्या सगळ्या सणांमध्ये मोदक मोठ्या आवडीने आणि चविने घराघरात बनविला जातो. कनक कोकण तर्फे जेव्हा हा मोदक बाजारात आणला गेला तेव्हा त्यातील सांस्कृतिक महत्व राखून त्याला आरोग्यवर्धक बनविण्यात कनक कोकण यशस्वी झाले. आम्ही सेंद्रिय गुळाचा वापर करून हा मोदक एका वेगळ्याच स्वरूपात प्रस्तुत केला. आमचे सर्व ग्राहक हा मोदक फक्त सणापुरताच नाही, तर लग्नसमारंभ , वाढदिवस पार्टी, गेट टु गेदर यांसाठी Sweet dish म्हणून खाऊ लागले. विशेषतः गुळाचा असल्याने घरातील सर्वच जण आवडीने खाऊ लागले. गुलाबजामुन व जिलेबी यांसारख्या साखरेच्या पदार्थाला सुयोग्य पर्याय उपलब्ध झाला.

उकडीचे मोदक चवीला जितके स्वादिष्ट तितकेच आरोग्यालाही फायदेशीर आहे. म्हणूनच जाणून घ्या उकडीच्या मोदकाचे हे आरोग्यदायी फायदे.

१) वजन घटवण्यास मदत- वेट लॉसच्या मिशनवर आहात म्हणून गोड खाणं टाळत असाल तरीही मोदक त्याला अपावाद ठरू शक्तो. कारण मोदकामध्ये फॅट्स आणि आवश्यक पोषणद्रव्य मुबलक प्रमाणात असतात. त्यामुळे वजन वाढण्याचा धोका नसतो. उकडीच्या मोदकाने पोट तृप्त होते सोबतच मनही शांत राहण्यास मदत होते.

२) Glycaemic index कमी – मोदक हा तांदूळ, खोबरं, गूळ यांच्या मिश्रणाने बनवलेला असतो. यामध्ये तूप असते. त्यामुळे मोदकाचा Glycaemic index कमी असतो. उकडीच्या मोदकाचे प्रमाणात सेवन केल्यास रक्तातील साखरेच्या पातळीमध्ये झटकन चढ – उतार होण्याचा धोका नसतो.

३) कमी कोलेस्ट्रेरॉल – उकडीच्या मोदकामध्ये कोलेस्ट्रेरॉल कमी प्रमाणात असते. नारळ आणि सुकामेवा यामधील आरोग्यदायी घटक वाईट कोलेस्ट्रेरॉलचे प्रमाण कमी करतात तर चांगले कोलेस्ट्रेरॉल वाढवतात.

४) रक्तदाब आटोक्यात – नारळामधील काही घटक हृदयाचे आरोग्य जपण्यास मदत करतात. तसेच रक्तदाब नियंत्रणात ठेवण्यासही फायदेशीर ठरतात.

५) सांधेदुखी – गुडघ्यांचे दुखणे कमी करण्यासाठी तूप हे प्रभावी औषध आहे. मोदकामध्ये तूपाचा समावेश असल्यास सांध्याच्या दुखण्याचे त्रास आणि आर्थ्राईटीसच्या समस्या आटोक्यात ठेवण्यात मदत होते.

६) पोटाचे आरोग्य सुधारते – बद्धकोष्ठतेसारख्या समस्येचा त्रास कमी करण्यास उकडीचे मोदक फायदेशीर आहेत. मोदकातील पुरणामध्ये तूप असते. यामुळे आतड्यांजवळील घातक, टाकाऊ घटक बाहेर टाकण्यास मदत होते.

गाईचे साजूक तूप

साजूक तुपामध्ये कर्करोग विरोधी, अँटी-व्हायरल गुणधर्म असतात. वृद्ध किंवा तरुण सर्वांसाठीच, साजूक तूप वापरणं फायदेशीर मानलं जातं. त्यात आढळून आलेली जीवनसत्त्वे आणि पोषकद्रव्ये हाडे मजबूत करतात आणि शरीराची रोग प्रतिकारशक्ती वाढवतात.

सेंद्रिय गुळ

सेंद्रिय गुळामध्ये शरीराला आवश्यक असणारे अनेक पोषकघटक असतात. सेंद्रिय गुळामध्ये लोह, मॅग्नेशियम, पोटॅशियम, मॅंगनीज, व्हिटॅमिन-B, कॅल्शिअम, जस्त, फॉस्फरस व तांबे यासारखी अनेक महत्वाची पोषकतत्वे असतात. सेंद्रिय गुळात लोहाचे प्रमाण जास्त असल्याने रक्तातील हिमोग्लोबिनचे प्रमाण वाढण्यास मदत होते.

खारीक

जर तुम्ही खारीक खाण्याचा विचार करत असाल किंवा तुम्हाला गोडावर नियंत्रण आणायचे असेल तर तुम्ही खजूर- खारीकचे सेवन करायला हवे. महिलांसाठी मासिक पाळी आणि सुलभ प्रसुतीसाठी ती चांगली असते. शिवाय पुरुषांच्या आरोग्यासाठीही खजूर फायद्याची असते. वीर्यनिर्मितीसाठी खारीक खाण्याचा सल्ला दिला जातो.

बदाम

बदाममध्ये हृदयाच्या आरोग्यासाठी उपयुक्त असणाऱ्या ओमेगा-3 फॅटी ऍसिड, व्हिटॅमिन-ई, पोटॅशियम आणि मॅग्नेशियम या घटकांचे प्रमाण जास्त असते. तसेच दररोज बदाम खाण्यामुळे रक्तदाब नियंत्रित राहतो, वजन आटोक्यात राहते, रक्तातील वाईट कोलेस्टेरॉल कमी होतो तसेच दररोज बदाम खाल्ल्याने हृदयाच्या रक्तवाहिन्यांचा रक्तप्रवाह नीट होतो.

काजू

काजू खाण्याचे हे आहेत फायदे :

काजूगरात असणाऱ्या मॅग्नेशियम, पोटॅशियम, फॉलिक ऍसिड, व्हिटॅमिन-E आणि B6 यांमुळे रक्तातील वाईट कोलेस्टेरॉल (LDL कॉलेस्टरॉल) आणि triglyceride चे प्रमाण कमी होण्यास मदत होते. तसेच HDL प्रकारच्या चांगल्या कोलेस्टेरॉलचे प्रमाण वाढवते आणि रक्तदाबही नियंत्रित ठेवते.

मनुका

मनुका चयापचय गती वाढवण्यासाठी देखील फायदेशीर आहे, त्यामुळे तुम्ही त्याचे सेवन करून वजन कमी करू शकता. मनुका ब्लड प्रेशरही नियंत्रित करते आणि ते रक्त शुद्ध करण्याचेही काम करते. मनुकामध्ये व्हिटॅमिन बी आणि सी पुरेशा प्रमाणात असते, त्याशिवाय त्यात अँटीऑक्सिडंट गुणधर्म देखील असतात, ज्यामुळे तुमची प्रतिकारशक्ती सुधारते.

डिंक

डिंक खाण्याचे फायदे

शरीराची रोगप्रतिकारक शक्ती वाढवण्यासाठी आणि आरोग्य चांगलं राखण्यासाठी डिंकाचं सेवन करणं फायदेशीर ठरतं. डिंकामुळे थंडीत शरीराला ऊर्जा आणि उब मिळते. बाळंतिणीसाठी डिंकाचे लाडू उपयोगी असतात. बाळंतिणीला दूध येण्यासाठी हे लाडू दिले जातात.

जायफळ

जायफळमध्ये अनेक औषधी गुण असतात. पेन रिलिव्ह, पोटाचे दुखणे, शरीरातील घाण काढणे, रक्त शुद्धीकरण, तोंडातील किटाणू मारणे व दातांची निघा राखणे, रक्त पुरवठा सुरळीत ठेवणे, त्वचा चमकावणे असे अनेक कार्य करते. जायफळ हा एक असा मसाला आहे जो खूप कमी प्रमाणात जेवणामध्ये वापरला जातो, पण त्याचे फायचे तेवढेच शरीराला मिळतात.

अहळीव

अळीव खाण्यामुळे रक्तातील हिमोग्लोबिन आणि रक्ताचे प्रमाण वाढण्यास मदत होते. अळीवमधील फायबर्समुळे बद्धकोष्ठता, अपचन असे त्रास कमी होतात. अळीव खाण्यामुळे वजन आटोक्यात ठेवण्यासाठी मदत होते. अनियमित मासिक पाळीची समस्या यामुळे दुर होते.

ओवा

ओवा खाल्ल्यामुळे पोटदुखी बरी होते असं म्हटलं जातं. एखादा डाळीच्या पिठापासून पदार्थ तयार करायचा असेल तर त्यात चिमुटभर ओवा घालतात. त्यामुळे पोटात गॅस धरत नाही. परंतु, ओवा खाल्ल्यामुळे केवळ पोटदुखीच कमी होते असं नाही.

सुंठ

जेवणाची चव वाढवणारी ही पावडर वजन कमी (Weight Loss) करण्यासाठी ही वापरता येऊ शकते. सुंठ खाण्याने वजन कमी करण्यासाठी फायदा होतो. सुंठ म्हणजेच सुकलेलं आलं पचनशक्ती चांगली करून वजन कमी करायला मदत करतं. रक्तातली चरबी कमी करून रक्तामधील ग्लुकोजची पातळी नियंत्रीत ठेवण्यास मदत करतं.

वेलची

वेलचीमुळे आपल्या फुफ्फुसात जलद रक्त संचार होतो. यामुळे दमा, तीव्र सर्दी आणि खोकला यासारख्या श्वासोच्छवासाच्या समस्यांपासून आराम मिळतो. आयुर्वेदात वेलची उष्ण पदार्थ मानली जाते, जी शरीराला उबदारपणा देते. जर तुम्हाला सतत ऍसिडिटीचा त्रास होत असेल तर वेलची उपायकारक आहे.

सुके खोबरे

सुके खोबरे (Dry Coconut) हृदय आणि मेंदूसाठी खूप चांगले आहे. ते रोग प्रतिकारशक्ती वाढवते आणि शरीराला व्हायरल इन्फेक्शनपासून दूर ठेवण्यास मदत करते. रक्तप्रवाह चांगला राहतो – सुक्या खोबऱ्यामुळे शरीरातील रक्तप्रवाह चांगला राहतो. नारळात फिनोलिक संयुगे असतात, जी अँटीऑक्सिडंट्स म्हणून काम करतात.

मेथी

मेथीची पाने आणि मेथीचे दाणे दोन्हीही वजन कमी करण्यास (weight loss) उपयुक्त आहेत. याचे सेवन केल्याने आपल्याला सारखी भूक लागत नाही आणि यामुळे आपण अतिरिक्त कॅलरी घेणे टाळतो. कारण मेथीमध्ये फायबर असते ज्यामुळे आपले पोट बर्‍याच काळासाठी भरलेले राहते. अशा प्रकारे मेथी वजन कमी करण्यास देखील मदत करते.

खसखस

खसखस ही आपल्या मनाला शांत करून आपल्या मनावर असलेला ताण (स्ट्रेस) कमी करते. खसखशीत मॅग्नेशिअम हे खनिज जास्त प्रमाणात आढळते. या खनिजामुळे शरीरातील काॅरटीसाॅल, जे एक स्ट्रेस हार्मोन आहे ते कमी होते. यामुळे मन शांत होऊन, झोप लागण्यासाठी मदत होते.

पिस्ता

यामध्ये अनेक प्रकारची जीवनसत्त्वे, खनिजे, कार्बोहायड्रेट्स आणि प्रथिने आढळतात. पिस्त्यात फॅट आणि कॅलरीज खूप कमी असतात, ज्यामुळे वजन कमी होण्यासही देखील मदत होते. ‘पिस्ता’ हे मधुमेहाच्या रुग्णांसाठी उत्तम ड्रायफ्रूट आहे.

गहू

गव्हामध्ये मुख्य रूपाने कार्बोहायड्रेट असतात, पण यात प्रोटीन, व्हिटॅमिन्स, मिनरल्स, अ‍ॅंटीऑक्सिडेंट्स आणि फायबर सुद्धा भरपूर आढळतं. पोषक तत्व आणि ऊर्जेचा स्त्रोत असलेला गहू हा आहाराचा मुख्य आधार आहे. याच्या सेवनाने वजन नियंत्रणात राहतं, टाइप २ डायबिटीस आणि कोरोनरी हार्ट डिजीजचा धोकाही कमी होतो.

ज्वारी

ज्वारीत मुबलक प्रमाणात तंतुमय पदार्थ असतात त्यामुळे त्याने पोट साफ होण्यास मदत होते. ज्या व्यक्तींना अॅसिडिटीचा त्रास आहे त्यांनी चपातीच्या ऐवजी आहारात ज्वारीची भाकरी समाविष्ट करावी. ज्वारीच्या सेवनाने मुळव्याधीचा त्रास देखील कमी होण्यास मदत होते. ज्वारीत भाकरीत लोह मोठ्या प्रमाणात असते.

नाचणी

नाचणी खाल्ल्याने शरीरात विटामिन सी ची कमतरता जाणवत नाही आणि शरीरातील रक्तामध्ये लोहाचे प्रमाणही वाढते. तुम्हाला हवं तर तुम्ही नाश्त्यामध्ये रागी उपमा, रागी डोसा याचाही समावेश करून घेऊ शकता. तुम्हाला सतत भाकरी खाण्याचा कंटाळा आला असेल तर अनिमियावर उपाय म्हणून तुम्ही रागीच्या इतर पदार्थांचा उपयोग करून घेऊ शकता.

उडीद

उडीद डाळीमध्ये असणारे आवश्यक फॅटी अ‍ॅसिड बाळच्या मेंदूच्या विकासासाठी काम करतात. फायबर युक्त उडीद डाळ गुड बॅक्टेरियांचे निर्माण वाढवून पचनशक्ती वाढवतात. हे बॅक्टेरिया खाल्लेला प्रत्येक पदार्थ पचवण्यासाठी मदत करतात.

मूग

ताप, स्थूलता, मधुमेह यासारख्या आजारांवर मुग सेवन अत्यंत फायदेशीर आहे. वजन नियंत्रित करण्यासाठी देखील मुग आणि मुगाचे पदार्थ उपयुक्त आहेत. सोडियम फ्री असल्यामुळे उच्च रक्तदाब असणाऱ्यांना मूग योग्य आहार आहे. अशक्तपणा, उष्णता तसेच त्वचा विकारांसाठी सुद्धा मूग पोषक आहे.

हरभरा

हरभरा खाण्यामुळे शरीरातील उर्जाशक्ती वाढविण्यास मदत करते, म्हणूनच ते घोड्यांनादेखील दिले जाते. हरभऱ्यात प्रोटिन्स (प्रथिने) मुबलक असतात. त्यामुळे मांसपेशीच्या व हाडांच्या आरोग्यासाठी ते उपयुक्त असतात. हरभऱ्यामध्ये शरीराची ताकद वाढवणारे व ग्लूकोज शोषण्यास मदत करणारे घटक असतात.

नारळ

नारळात प्रथिने आणि व्हिटॅमिन-सी व्यतिरिक्त सर्व प्रकारची खनिजे आढळतात. जे आपल्या आरोग्यासाठी अनेक प्रकारे फायदेशीर ठरतात. यासोबतच नारळात अँटीबॅक्टेरियल आणि अँटीफंगल गुणधर्मही आढळतात, पण तुम्हाला माहीत आहे का की, झोपण्यापूर्वी ओलं खोबरं खाल्ल्यानं आरोग्यासाठी विशेष (Coconut Benefits) फायदे मिळतात.

फणस

फणसातील अँटीऑक्सिडंट्समुळे कँसर, हृदयविकार, टाइप-2 मधुमेह आणि डोळ्यांच्या समस्या होण्यापासून रक्षण होते. फणस खाल्याने पोट साफ होते, हिमोग्लोबिन वाढते, रक्तदाब नियंत्रित राहतो, मांसपेशी व हाडे मजबूत होतात असे फायदे फणस खाण्यामुळे होतात.

तांदूळ

तांदळाचे पीठ चेहरा आणि मानेवरील डेड सेल्स काढण्याचे कार्य करते. तांदळाच्या पिठामध्ये कॅल्शिअम, व्हिटॅमिन डीसह फायबरची मात्रा भरपूर आहे. तसंच यामध्ये अतिरिक्त प्रमाणात लोह व थायमीन यासारख्या पोषक घटकांचाही समावेश असतो. या सर्व पोषण तत्त्वांमुळे त्वचेची खोलवर स्वच्छता होते.

0 +

आमचे ग्राहक

0 +

मोदक वितरित

0 +

लाडू वितरित

Our Team

कनक कोकण Team!

Well Wisher's

achievements

गणेशोत्सव 2021 मध्ये कनक कोकण परिवाराने 11,111 मोदक वितरीत करून नवा उच्चांक गाठला !

PRODUCTS

जवळपास 15 पेक्षा अधिक आरोग्यवर्धक घटक असलेला हा आरोग्यवर्धक लाडू म्हणजे संपूर्ण कुटुंबाला प्रतिकारक्षमतेच्या दिशेने वाटचाल करण्यासाठी सुवर्णसंधीच आहे. या लाडू मध्ये गाईचे तूप, सेंद्रिय गुळ, ड्रायफुट्स व अनेक आयुर्वेदिक घटक आहेत. दिवसातून कोणत्याही एक लाडूचे सेवन आरोग्यास उत्तम.

All
आरोग्यवर्धक लाडु
उकडीचे मोदक
फणसाचे चिप्स
दिवाळी फराळ

आरोग्यवर्धक गहू ज्वारी लाडू

मुख्य घटक - गहू ज्वारी

इतर घटक - गायीचे साजूक तूप, सेंद्रिय गुळ, खारीक, बदाम, काजु, मनुका, डिंक, जायफळ, अहळीव, ओवा, सुंठ,वेळची, सुके खोबरे, मेथी.

आरोग्यवर्धक नाचणी लाडु

मुख्य घटक - नाचणी

इतर घटक :- गाईचे साजुक तूप, सेंद्रिय गूळ, खारीक, बदाम, काजू, मनुका, डिंक, जायफळ, अहळिव, सुंठ, ओवा वेलची, सुके खोबरे.

आरोग्यवर्धक उडिद-मुग लाडु

मुख्य घटक - उडिद व मुग

इतर घटक :- गाईचे साजुक तूप, सेंद्रिय गूळ, खारीक, बदाम, काजू, मनुका, डिंक, जायफळ, अहळिव, सुंठ, ओवा, वेलची, सुके खोबरे, मेथी .

आरोग्यवर्धक हरभरा लाडू

मुख्य घटक -  हरभरा

इतर घटक - गाईचे साजुक तूप, सेंद्रिय गूळ, खारीक, बदाम, काजू, मनुका, डिंक, जायफळ, अहळिव, सुंठ, ओवा, वेलची, सुके खोबरे, मेथी

आरोग्यवर्धक ड्रायफ्रूट लाडू

मुख्य घटक - खारिक, बदाम, काजू,
           मनुका,पिस्ता

इतर घटक - गाईचे साजुक तूप, सेंद्रिय गुळ , डिंक, जायफळ, अहळीव, ओवा, सुंठ , वेलची , सुके खोबरे, खसखस

दिवाळी फराळ

चकली भाजणी ,शंकरपाळी, रवालाडू, बेसनलाडू ,ओला नारळ करंजी, रवा करंजी, चणा पीठ करंजी , पातळ पोहा चिवडा, मिक्स चिवडा

पदार्थ ऑर्डर प्रमाणे तयार करून मिळतील.

उकडीचे मोदक

फणसाचे चिप्स

कोकणातील चविष्ठ फणसाचे चिप्स हे नारळाच्या तेलामध्ये तळून तयार होतात. फणस हा मधुमेहावर गुणकारी आहे.

Testimonials

जितेंद्र बाळासाहेब यादव

कनक कोकण चे मोदक म्हणजे एक अप्रतिम चव . अतिशय रुचकर, ताजे आणि आरोग्य वर्धक आहेत. वेळेत पुरवठा करण्यात कनक कोकण परिवार आणि घाटकर कुटुंब सतत प्रयत्न करत असतात. एक दिवस नक्कीच तुमच्या ह्या रोपटयाचा वटवृक्ष होईल ह्यात तिळमात्र शंका नाही तुमचा एक संतुष्ट ग्राहक.

Anil Digambar Sonawane

Kanak kokan’s modak is perfect blend of tasty and healthy food,I personally like it. And I ordered it not only on ganpati festival’s but any odd day as well. Healthy and fresh.

पूजा पाठक

उकडीचा मोदक म्हटला की सुंदर पाकळ्यांचा , चविष्ट सारणाचा , आखीव रेखीव असाच डोळ्यांसमोर येतो. आणि चवीने खाणाऱ्याला तो तसाच लागतो ! सगळ्याना लागतो असाच ,पण करता कुठे येतो ? किंवा येत असेल तर वेळ कुठे असतो ? पण यासाठी कनक कोकण चे उकडीचे मोदक हा उत्तम पर्याय आहे. विकतच्या मोदकाच्सा सारणामधे जायफळ वेलदोड्याची चव “जरा जास्तच अपेक्षा” या सदरात मोडणारी ! पण कनक कोकण च्या सारणात ही चव प्रत्येक मोदकात ! याची नजाकत आपल्या जिभेवर रेंगाळे पर्यंत टिकली पाहिजे म्हणून पॅकींग ही उत्तम ! हे सगळे असले तरीही सांगीतलेली वेळ कधीही चुकली नाही ! इतक्या सगळ्या गोष्टी साध्य करायच्या असतील तर उत्तम कसब, ग्राहका प्रती निकोप दृष्टी, वेळेचे नियोजन, उत्तम नेतृत्व या सगळ्या गोष्टींचा मिलाप हवा हे जाणकारांना वेगळे सांगायलाच नको ! म्हणूनच कनक कोकण चे उकडीचे मोदक मला उत्तम वाटतात!

रामप्रसाद कोलगावकर

कनक कोकण चे उकडीचे मोदक आणि पौष्टिक लाडू (५ प्रकार) ही उत्पादने कनक कोकण च्या बोधवाक्य "एक आरोग्यदायी आस्वाद" ला पूर्णपणे न्याय देणारी आहेत. गुणवत्तापूर्ण पारंपरिक पद्धतीने बनविलेले उकडीचे मोदक आम्हाला एवढे आवडले की मी माझ्या ऑफिसमध्ये माझ्या वाढदिवसाच्या निमित्ताने स्वीट म्हणून तेच वाटले आणि ते लोकांना अतिशय आवडले. स्वतः सौ साक्षी घाटकर आरोग्याविषयी जागरूक असल्याने कनक कोकणची उत्पादने ही त्यांचा ध्यास आहेत. कनक कोकण या ब्रँड ला मनापासून शुभेच्छा!

भाग्यश्री प्रकाश फाटक

सप्त रंगांची उधळण चित्रकराच्या कुंचल्यात,सप्तसुरांची पखरण गायकाच्या सुरेल गाण्यात, सह जीवनाची सुरवात सप्तपदीच्या सात पावलात,तर स्वाद आस्वाद मिळतो कनक कोकणच्या पदार्थात.